17. mai 2019

Fitjar skulekorps sitt program for 17. mai startar med flaggheising ved rådhuset på morgonen. Det er laga eit skriv med informasjon om oppmøte, frokost, program og bekledning denne dagen.

Fitjar skulekorps - populære blant hackarar

Fitjar skulekorps er populære blant mange, og no har og data-hackarar lagt merke til skulekorpset på Fitjar. Det har resultert i at dei har hacka seg inn på heimesida til korpset. Etter det er alle passord sletta...

Hausten 2019

Foreløbig plan for hausten 2019 er no klar.

Jubileumstur 2020

Skulekorpset har starta planlegginga av 60-årsjubileet neste år, og planen for jubileumsturen er i grove trekk klar. Turen går til ein korpsfestival i Calella i Spania, og det er påmelding allereie 1. mai 2019.

Årets sommartur

Årets sommartur går til NM i Stavanger. Det er lagt ut påmeldingsskjema, og frist for innlevering av dette er 22. april.

Flott 3. plass til Kristian Prestbø

i solistkonkurransen under Hordablæsten 2019.

Bilete frå Disney-showa

Disney - around the world med Fitjar skulekorps og Fitjar musikklag var ein stor suksess. Det er lagt ut ein del bilete frå showa

Stor suksess med Disney

Fitjar skulekorps og Fitjar musikklag med solistar og dansarar gjorde stor suksess under premieren på Disneyshowet Disney around the world fredag 15. mars 2019.

Sommarspel-konsert

Mange av musikantane i Fitjar skulekorps har delteke på sommarspel og avsluttar "kurset" med konsert under Fitjarfestivalen i festivalteltet på Larsen-kaien søndag 13. august kl. 14.15.

NM 2017

Fitjar skulekorps hadde ei svært god framføring av Thyellene under NM for brass-skulekorps i Stavanger 24. juni. Ein flott prestasjon som enda med 85 poeng og ein 9. plass.

Strålande 17. mai

"Tonane frå Fitjar skulekorps fekk skodda til å letta i morgontimane i dag", skreiv Fitjarposten om 17. mai-feiringa på Fitjar. Og det vart ei strålande flott nasjonalfeiring med sol, festpynta folk over alt og mykje flott korpsmusikk frå musikantane i Fitjar skulekorps.

Temaøving 2017

Fitjar skulekorps varma opp til NM med temaøving måndag 22. mai. Mange ulike filmkarakterar møtte opp for å øva på NM-stykket som skal framførast i Stavanger konserthus laurdag 24. juni.

Masse godlydar

frå både froskar, troll og korps, klingande mynt, kaffislurp og drøs under skulekorpset sin årlege marknad som gjekk av stabelen i Fitjar kultur- og idrettsbygg torsdag 6. april 2017.

Bilete frå filmkonserten i februar

Nok ein suksess !

Fitjar skulekorps sin årlege temakonsert hadde i år fått namnet At the cinema og gjekk av stabelen laurdag 18. februar. Korpset framførte ein forykande konsert for ein så godt som fullsett kultursal i Fitjar kultur- og idrettsbygg og hausta mange lovord etter over to timar fullspekka med musikkframføringar på høgt nivå.

Sotrafestivalen 2016

Du kan no sjå og høyra opptak av Fitjar skulekorps si framføring av Blackbird special under Sotrafestivalen 2016.

Fin julekonsert

"Julefreden senka seg" skreiv Fitjarposten så flott etter julekonserten som Fitjar skulekorps og Fitjar barnegospel arrangerte i Fitjar kultur- og idrettsbygg torsdag 1. desember.

Stemningsfull julegateopning med korpsmusikk

Fitjar skulekorps skapte adventsstemning i sentrum då det var julegateopning og tenning av julegrana 1. søndag i advent, 27. november 2016.

4. plass i Sotrafestivalen 2016

Fitjar skulekorps kom på 4. plass i 1. divisjon under årets Sotrafestival. Konkurransen var ei god oppleving for musikantane og dei fekk mange gode tilbakemeldingar frå domarane.

Vellukka solistdebut

Fitjar skulekorps sin ess-tubaist Kristian Prestbø deltok i solistkonkurransen under Sotrafestivalen 2016. Med seg hadde han Guro Rimmereid på piano og Elin Korsvik som blader. Kristian spelde Tuba Concert og kunne gle seg over gode tilbakemeldingar frå domarane.

Skremande bra øving

På øvinga måndag 31. oktober stilte mange av musikantane opp i ulike skumle eller koslege kostymer. Etter ei intens øvingshelg som vart avslutta med årsfest om søndagen og på trass av ulike meir eller mindre forstyrrande kostymerekvisittar hadde korpset ei god øving der hovudfokuset var Sotraprogrammet.

Særs vellukka loppemarknad

Loppemarknaden som skulekorpset arrangerte laurdag 29. oktober synte seg å verta svært populær, med mykje folk innom og svært god stemning. Heile arrangementet med øvingshelg, loppemarknad og kafé synte seg å vera særs vellukka og har forhåpentlegvis gjeve eit godt tilskot til korpskassa. Auksjonen av godt spelbare instrument var ekstra populært blandt musikantar, foreldre og andre korpsinsteresserte frå fjern og nær. Det einaste som stod att var eit trommesett. God organisering og planlegging og ein positiv dugnadsgjeng gav loppemarknaden eit ekstra løft ved å framstå som ryddig, fin og innbydande. Altså nok eit vellukka arrangement takka vere god dugnadsinnsats av foreldregruppa i korpset og andre støttespelarar.

Flott oppstart

Skulekorpset starta haustsemesteret med oppstartsseminar siste helga i september. Ei helg fylt med øving, god mat, tur, opptreden og litt søvn. Det starta med to dagar med øving i kultursalen før båtar frakta korps og instrument til Fodno der det var sosialt samvær og overnatting før deltaking med speling under friluftsgudstensta som markerte årets søndagsskuledag på Fitar. Alt svært vellukka på alle vis ! ! !

17. mai 2016

Fitjar skulekorps fylte, tradisjon tru, Fitjarbygda med flotte korpstonar både inne og ute under den lokale nasjonaldagsfeiringa, som i år var av det tørre slaget.

Glitrande kultursprisvinnarar i kyrkja

Kulturprisvinnaren Fitjar skulekorps glitra med fantasiske musikalske framføringar under kyrkjekonserten Vitae Lux i Fitjar kyrkje torsdag 17. mars 2016.

Var med på vegopning

Torsdag 30.juni var mange av musikantane i skulekorpset, saman med musikantar frå musikklaget, med å spela i samband med opninga av vegen frå Rimbareid til Osltjørna.

Kjekk sommartur

I foto-mappa 2016 kan ein sjå diverse bilete frå NM og sommarturen 2016. La det vera til inspirasjon til å ta fram instrumentet og blåsa litt i ferien og :-) (ev slå litt, for dei som høyrer til i "kjøken-avdelinga" )

1. DIVISJON ! ! !

Sommarspel

Svein Roger Koppang inviterer interesserte musikantar til sommarspel i august.

Øvingshelg og konsert i Uskedalen

Uskedalen Utvikling har skreve to artiklar på nettet om Fitjar skulekorps si øvingshelg saman med Uskedalen skulekorps i Uskedalen 8.-10. januar 2016.

Vellukka øvingshelg i Uskedalen

Mykje øving, mykje sosialt, litt i minste laget med søvn, mykje latter og glede og ein flott konsert gav skulekorps ein flott og god start på 2016.

Synlighetspris

Det har dryssa mange prisar og premiar over Fitjar skulekorps det siste året og det er no blitt klart at skulekorpset og mottek NMF sin synlighetspris i samband Korps på tur-arrangementa i år.

Strålande flott julekonsert

Torsdag 3. desember hadde skulekorpset og Fitjar barnegospel ein strålande flott julekonsert for fullt hus i kultursalen.

Kulturprisen til skulekorpset !

FITJAR SKULEKORPS er tildelt Fitjar kommune sin Kulturpris for 2015 !

4. plass i 1. divisjon !

Fitjar skulekorps debuterte i 1. divisjon under Sotrafestivalen 2015 med 92 poeng for det musikalske og 8 poeng for programmet og ein strålande 4. plass !

Vellukka årsfest

Skulekorpset hadde ein vellukka årsfest på Rimbareid skule søndag 15. november. I tillegg til å feira korpset og året som har gått vart det markert at korpset i år er 55 år og at korpset vann 2. divisjon i NM for skulekorps i Stavanger i juni.

NM 2015

No kan du sjå og høyra opptak av Fitjar skulekorps si framføring av Lake of the Moon under NM for skulekorps i Stavanger i juni 2015. Korpset kom på 1. plass i 2. divisjon brass med denne framføringa.

Bilete

frå "Korps på tur til Stokksneset" søndag 27. september 2015.

Nok ein vellukka korpstur!

"Ut på tur med korpset til Stokksneset" var ein stor suksess og samla mykje folk. Sola skein, korpset spela flott og stemningsfult både her og der, 4H grilla gode pølser og foreininga for Osternes festning tok dei som ville med på ei spennande reisa i festningsområdet.

Korpsmusikantane

kosar seg i friluft, etter mykje god øving i langt frå optimal luft...

Til topps i NM !

Fitjar skulekorps er Noregsmeistrar ! ! !

Rosande domarord

"Godt korps med gode solister og drivende godt slagverkspill", var oppsummeringa til ein av domarane etter Fitjar skulekorps si framføring av Lake of the Moon på NM-scena i Stavanger.

Bilete frå friluftsturen

til Rimsvarden, via parken og Kongsbrønnen.

Flott med korps på friluftstur

Eit femtitals personar, inkludert ordførar Wenche Tislevoll, var med på skulekorpset sin første friluftstur som gjekk frå Parken, via Kongsbrønnen til Rimsvarden torsdag 28. mai. Det vart ein flott tur på trass av lav temperatur og regn i lufta, og for mange var høgdepunktet på turen då korpset lot Highland Cathedral lyda utover den vakre Fitjarbygda.

17. mai 2015 - Biletserie

På 17. mai spelte Fitjar skulekorps under flaggheisinga framfor rådhuset, i toget frå parkeringsplassen via Fitjar bu- og behandlingssenter til kyrkja, under gudstenesta i kyrkja, ved kransenedlegginga på kyrkjebakken og i toget frå kyrkja til Fitjar kultur- og idrettsbygg. På trass av at regnet hølja ned store deler av dagen leverde skulekorpset flott 17. mai-musikk som aldri før.

Vått,

men flott, korps, under nasjonaldagsfeiringa på Fitjar. Skulekorpset vart lagt merke til og vart nemnd både i Fitjarposten og Sunnhordland sine 17. mai-artiklar frå feiringa på Fitjar.

Spennande temaøving

Måndag 18. mai hadde skulekorpset temaøving, med tema dyr. Det var mange spennande dyr å sjå i korpsrekkene, lyden var som alltid god og i pausen var det god, sunn, spennande og dekorativ dyremat :-)

Opna korpstreffet

Med si "afrikanske" entring av scenen opna Fitjar skulekorps årets korpstreff på Stord på ein ny og orginal måte.

Vellukka marknad - Trekningsliste

Kultursalen var stappfull. Skulekorpset med aspirantar, Fitjar barnegospel og Sagvåg skulekorps stod for flott musikk. Det var mykje god mat og mange fine gevinstar. Nok ein velluka marknad er dradd i hamn takka vera god innsats frå foreldra og musikantane i korpset, og aktivitets- og økonominemnda ynskjer å takka alle som hjalp til med marknaden på ulikt vis!Trekningslista finn du her..

Pengegåve til korpset

Fitjar skulekorps fekk denne veka ei pengegåve på heile 75 000,- frå Sparebanken vest. Pengegåva kjem godt med og korpset takkar for støtta!

Storbandkonserten Swing&Chill

Storbandkonserten Swing&Chill fekk god pressedekning både i forkant og etterkant av konsertane. Både Sunnhordland og Fitjarposten skreiv reportasje frå skuleframsyninga.

Bilete

frå storbandkonserten Swing&Chill med Fitjar skulekorps med solistar, fredag 20. mars 2015.

Nådde målet

Fitjar skulekorpset kom dit dei ville under NM-oppkøyringa og leverte eit svært godt konkurranseprogram under NM skulekorps brass i Stavanger 22. juni 2013. Prestasjonen haldt til ein flott 5. plass med 90 poeng.

Vellukka seminar og konsert med The Brazz brothers

To dagar med intens øving, over 80 musikkantar på scenen og ein forrykande konsert som avslutting..

Jubileumstur til Spania

20.-26. juni 2010 var Fitjar skulekorps på ein svært vellukka jubileumstur til Calella i Spania.

Sommartur til Ålgård

Skulekorpset var på sommartur til Ålgård 19.-21. juni 2009.

Stemningsfull julekonsert

Fitjar skulekorps og Fitjar barnegospel hadde felle julekonsert torsdag 4. desember på Fitjar bedehus. Eit vellukka samarbeid og ein vellukka konsert spekka med musikalske talent og julestemning.

Stor sukess med Balle Frost

Fitjar skulekorps og Fitjar kulturskule si storsatsing denne hausten, oppsettinga av musikalen Balle Frost, har vore ein stor suksess !

Nye aspirantar på årsfest

Under den flotte årsfesten til skulekorpset søndag 9. november fekk ein for første gong høyra dei 9 nye aspirantane i samspel med skulekorpset.

Til topps i Bømloblåsen ! ! !

Fitjar skulekorps reiste heim frå Bømloblåsen med tre pokalar i bagasjen; førsteplass, solistpris og eit napp i den stor vandrepokalen som korpset får ha "til låns" i eit år ! Du kan lesa artikkel om konkurransen under Presseomtale og du kan sjå bilete frå konkurransen under Foto.

Omtale i Sunnhordland

Bladet Sunnhordland har skreve om Fitjar skulekorps sin siger i Bømloblåsen i helga. Dei som abonerer på avisa kan logga seg inn og lesa saka på nettet.

Svært vellukka musikalkonsert

Fitjar skulekorps hadde saman med solistar og dansarar ein svært vellykka musikal-konsert i Fitjar kultur- og idrettsbygg søndag 16. februar.

Flott vaffelkonsert

i revyteltet, med Fitjar skulekorps, aspirantane i Fitjar skulekorps og Fitjar musikklag, laurdag 14. juni 2014.

2. plass i NM !

Fitjar skulekorps kom på 2. plass i NM for skulekorps, 2. divisjon brass, i Trondheim i juni. Ein flott prestasjon som det er vel verd å jubla for !

Søndagsskulens dag

Fitjar skulekorps deltok med flott musikk under markeringa av søndagsskulens dag i starten av september. Korpset spelte under utegudstenesta i Moahagen, dei marsjerte fremst i toget frå Moahagen til bedehuset og dei spelte ein marsj ved bedehuset.

Vellukka loppemarknad

Uendeleg mange lopper, stort oppmøte, godt sal av mat og lopper gav skulekorpset verdifulle korpskroner i kassen.

Øvingshelg, august 2014

Skulekorpset hadde ei god øvingshelg på Rimbareid skule i slutten av august, med øving i gymnastikksalen, pizza og sosiale aktivitetar, overnatting i nybygget og konsert søndag ettermiddag.

God og fin gjennomkøyring

Skulekorpset hadde ei flott gjennomføring av NM-stykket sitt The dark side of the moon, under kulturskulen sin sommarkonsert måndag 16. juni.

17. mai 2014

Tradisjon tru spelte Fitjar skulekorps under flaggheisinga ved rådhuset om morgonen. Vidare leia dei an i toget med flotte marsjar, dei spela nasjonalsongar ved sjukeheimen og aldersheimen, bidrog med ekstra flott korpsmusikk i kyrkja, spelte under kransenedlegginga og under arrangementet i idrettshallen.

Bilete frå Musikalkonserten

som skulekorpset hadde i februar finn du i fotogalleriet, ved å klikka på "les mer" her..

Kjekk marknad

Skulekorpset arrangerte kjekk marknad med god mat, fin musikk og mange flotte gevinstar i kultursalen 6. mars 2014.

Vellukka loppemarknad

Fitjar skulekorps arrangerte loppemarknad i kultursalen i Fitjar kultur- og idrettsbygg laurdag 7. september. Loppemarknaden var vellukka og overskotet kjem godt med i den vidare drifta av korpset.

TIL TOPPS IGJEN ! ! !

Både Fitjar skulekorps og juniorkorpset deltok på Sotrafestivalen laurdag 19. november. Juniorkorpset mottok hederleg omtale i si bedømming. Hovudkorpset gjekk nok ein gong til topps i 3. divisjon brass. I tillegg gjekk solistprisen til Anne Lunde, og korpset fekk eit napp i vandrepokalen for høgast poengsum i konkurransen.

Fitjar skulekorps 50 år

Strålande 3. plass!

Fitjar skulekorps kom på ein strålande tredje plass i 2. divisjon for brass-korps under Sotrafestivalen laurdag 17. november 2012.
Sjå artikkel i Fitjarposten om konkurransen, sjå bilete i fotogalleriet og les helsingar/gratulasjonar til korpset i gjesteboka.

Kjekk marknad

Skulekorpset arrangerte ein kjekk marknad torsdag 18. mars.

Korpstreff

Fitjar skulekorps deltok på korpstreff i Stord kulturhus torsdag 26. april. Under konserten mottok korpset ein gåvesjekk på 10 000,- frå Sparebanken vest.

Draumekonsert for fullsett kyrkje!

Fitjar skulekorps arrangerte konserten "Songs from a secret garden" i Fitjar kyrkje laurdag 20. april. Over 200 stykke fekk med seg konserten der Osternes mannskor og ei dansegruppe frå kulturskulen deltok i tillegg til korpset sjølv.

Kulturmønstring

Skulekorpset deltok på kulturmønstring i Fitjar kultur- og idrettsbygg laurdag 17. april.

17. mai

Fitjar skulekorps gjorde ein flott figur under 17. mai-feiringa på Fitjar 2013. Korpset spelte ved flaggheising ved rådhuset kl. 08.00, i toget, under gudstenesta i kyrkja, ved kransenedlegginga på kyrkjebakken og under arrangementet i idrettshallen.

Marknad 2012

Skulekorpset arrangerte ein kjekk og vellukka marknad i gymnastikksalen på Rimbareid skule torsdag 3. mars 2012. Både juniorkorpset og seniorskorpset til Fitjar skulekorps spelte kvar si avdeling. Fitjar musikklag var gjester og spelte to av songane frå ABBA goes brass. Elles var det sal av årer og lodd på bøker, sal av hot dog, kaker, bollar, lappar og kaffi, og det var god tid til prat og drøs rundt borda. Vel 160 stykker kom og hadde ei kjekk kveldsstund saman om korpset. Fitjar skulekorps ynskjer å takkar alle som var med å støtta korpset ved å koma, ved å kjøpa mat og å kjøpa lodd.

Korpstreff

Skulekorpset deltok på Korpstreff på Stord torsdag 7. mai.

Sotrafestivalen 2012 - Korpskonkurranse

Musikantane og dirgienten jublar over 100 poeng og 3. plass på Sotra. I 2011 kom dei på 1. plass i tredje divisjon. I år kom dei overraskande, men vel fortent, på 3. plass i 2. divisjon!!!
På øvinga måndag 19. november vert det feiring av 3. plassen. Instrumenta kan få kvila seg heima, for det vert ingen speling på øvinga denne dagen. Aspirantane er invitert med og feiringa varer til ca. kl. 19.00.

På nett!

Fitjar skulekorps har no fått si eiga heimeside.

Fitjar skulekorps til topps

Fitjar skulekorps gjekk til topps i 3. divisjon under Sotrafestivalen 20. november 2010. Korpset fekk 98,5 poeng og domarane seier i sin kommentar at korpset spelte veldig bra, og gav dei skryt for god dynamikk, god ballanse og solid spel. Korpsmedlemmene kan logga seg inn og lesa domarkommentarane under interne skriv. Alle kan lesa meir om konkurransen under Presseomtale - Sotrafestivalen.

Filmkonsert

Filmkonserten som korpset arrangerte laurdag 21. april 2012 var svært vellukka og ei stor oppleving for både musikantane og publikum.

Foajekonsert

Fleire av skulekorpset sine messingblåsera deltok på kulturskulen sin foajekonserte i oktober. Under konserten fekk ein mellom anna høyra ein ess-bass og ein ess-kornett i spennande samspel.

Joy to the world

Skulekorpset arrangerte julekonserten Joy to the world, saman med Fitjar barnegospel torsdag 5. desember, i kultursalen.
Ein stemningsfull førjulskveld, skreiv Fitjarposten etter konserten.

Julegrantenning

I samband med at julegranna skulle tennast stilte skulekorpset opp i nissehuer og spelte julesongar i sentrum søndag ettermiddag. Dei spelte både utanfor Larsen, utanfor Rydland, ved aldersheimen og inne på sjukeheimen. Fakkeltoget vart avlyst grunna storm og orkan-kast. Det vart heller ikkje gang rundt juletreet, men korpset spelte flotte juletonar i samband med at lysa på grana i sentrum vart tent klokka 17.00 av 9. klasse og ordførar Wenche Tislevoll.

Jublar over 4. plass i NM

Fitjar skulekorps kom på ein sterk fjerde plass i 3. divisjon i NM for skulekorps i Stavanger forum laurdag 18. juni 2011. Korpset fekk 93 poeng for framføringa av konkurransenummeret sitt Dakota.

Bilete frå NM

Det er lagt ut NM-bilete i fotogalleriet.

Sommarkonsert

Aspirantane og skulekorpset deltok på kulturskulen sin sommarkonsert 3. juni med eit flott musikalsk program.

Årsfest 2013

Skulekorpset hadde ein flott årsfest i gymnastikksalen på Øvrebygda skule søndag 10. november, med flott korpsmusikk av hovudkorpset og aspirantane, revedans, allsong, god mat, biletserie frå korpsåret 2012/2013 og stjerne-, medalje- og heidersmerke-utedelingar.

Superheltøving

Fitjar skulekorps starta oppkøyringa til NM med superheltøving måndag 27. mai.
Laurdag 22. juni deltek korpset i NM for brass-skulekorps, i Stavanger konserthus.

Korpstreff, Stord

Skulekorpset deltok på korpstreff på Stord torsdag 22. april 2010.

Festframsyning

Fitjar skulekorps spelte under festframsyninga på Stord vidaregåande skule i samband med Norsk kulturskoleråd - Hordaland sitt årsmøte på Stord, torsdag 31. mars 2011.

Korpset spelte på samling for nye innbyggjerar

Måndag 25. oktober deltok skulekorpset på samlinga for nye innbyggjarar i Fitjar med ei flott konsertavdeling i kultursalen. Høgdepunktet under konserten var heilt klart framføringa av Gabriellas song med Marthe V. Nordfonn som songsolist. Neste post på programmet for korpset, bortsett frå vanlege øvingar, er jubileumshelga 12.-13. november.

Flott speling på våt 17. mai

Skulekorpset og musikklaget spelte tradisjon tru ved flaggheisinga ved rådhuset klokka 08.00. I det første tone av "Ja, vi elsker" runga over parkeringsplassen kom dei første regndråpane, og resten av dagen vart gjennomført med regnfrakkane på. På tross av surt ver var korpset med og skapte fin 17. mai stemning med sine brass-tonar både i toget, ved kyrkja og i parken.

Sotrafestivalen 2013

Våt 17. mai-speling

På grunn av regnbygene på 17. mai måtte musikkantane ha regnfrakkar utanpå uniforma i år. Ein del hadde ikkje med seg regnfrakk og ein del hadde vokse utav regnfrakken sin. Det vart delt ut regnfrakkar i all hast før spelinga tok til, og uniformsnemnda vil no gjerne ha ein oversikt over kva størrelse dei forskjellige musikantane har på regnfrakken sin.

Øvingshelg, Litlabø

Musikantane i Fitjar skulekorps er på øvingshelg på Litlabø skule denne helga. Der kosar dei seg med sosiale aktivitetar, god mat, ein del snop, soving på oppblåsbare flatsenger, gruppeøvingar, fellesøvingar og padling i kano og kajakkar. Musikantane skal hentast på Litlabø kl. 18.00 laurdag kveld. Søndag føremiddag skal dei møta i kyrkja kl. 10.30 i vanlege kle for å spela under søndagsskulens dag.

Årsfest

Skulekorpset hadde øvingshelg 11.-13. november og avslutta helga med flott årsfest i kultursalen i Fitjar kultur- og idrettsbygg.

Positiv omtale i pressa

Fredag 21. janaur kunne ein lesa om Fitjar skulekorps, som har gått "Frå bar bakke til første plass på tre år", både i papirutgåva og på nettsida til avisa Sunnhordland.

Flott 17.mai-speling

Skulekorpset deltok som vanleg med flott korpsmusikk under 17. mai feiringa i Fitjar sentrum.

NM i Stavanger 2012

Fitjar skulekorps kom på ein fantastisk andre plass i NM for brass-skulekorps i Stavanger laurdag 23. juni. Korpset spelte stykket The Bold and the Brave av iren Richard Rock og fekk heile 95 poeng. Fitjar skulekorps deltok i 3. divisjon saman med 12 andre korps. Det var Sandnes skulekorps som vann denne divisjonen med 96 poeng.

I radioen

Dirigent Svein Roger Koppang vart intervjua i NRK Hordaland si føremiddagssending måndag 24. janaur.

Julafta -12

Skulekorpset, dirigert av Ragnhild Prestbø, spelte julesongar medan folk samla seg til den første gudstenesta i Fitjar kyrkje på julafta. Til preludium spelte dei Eit barn er født i Betlehem. Det festpynta korpset "trylla fram" mange fine juletonar og var med det med på å skapa fest og høgtid i kyrkja denne dagen.

Øvingshelg med konsert

Fredag 11. mars til laurdag 12. mars hadde juniorane og aspirantane ei kjekk øvingshelg på Hystad skule saman med juniorane i Stord skulekorps. Øvingshelga vart avslutta med ein flott konsert.

Godt nytt år ! ! !

Skulekorpset spelte flott til juletregangen under den store juletrefesten i idrettshallen første søndag i januar.

Korpset starta det nye øvingssemesteret måndag 7. januar, og semesteret vert avslutta med sommartur og deltaking i NM i Stavanger i slutten av juni.

Spelte på marknad

Fitjar skulekorps spelte på Fitjar musikklag sin marknad torsdag 24. oktober 2013.

Programmet var langt og rikhaldig med innslag ved ulike ensemblegrupper i tillegg til heile korpset.

Høgdepunktet for mange var framføringa av Ylvis-låten The Fox.

Sommarkonsert med urframføring

Fitjar skulekorps deltok med NM-programmet sitt på kulturskulen sin sommarkonsert i kultursalen torsdag 14. juni. Korpset urframførte då det spesialskrevne stykket The Bold and the Brave av den irske komponisten Richard Rock.

Opninga av Midtfjellet vindpark

Fitjar skulekorps gjorde seg bemerka under opninga av Midtfjellet vindpark tysdag 17. september 2013.

Korpset spelte både under opningssermonien i Midtfjellet, ved mølle B7, og foajeen i kulturhuset i samband med lunsjen som var der.

Brazz brothers-dagen på nett-tv

Sunnhordland nett-tv syner opptak frå seminaret og konserten med The Brazz brothers 13. mars 2011.

Kjempekjekk junior-øvingshelg

på Rimbareid skule, med 21 musikantar frå Fitjar juniorkorps og Stord juniorkorps.

Desember

Søndag 11. desember deltok skulekorpset på julekonsert i Fitjar kyrkje. Korpset imponerte med fin julemusikk, flinke solistar og flott "englesong".
Skulekorpset deltok og med juletonar på den første gudstenesta på julafta.

Øvingshelg august 2009

Korpset hadde øvingshelg og deltok under søndagsskulens dag siste helga i august.

Juniorøvingshelg

Aspirantane og juniorane deltok på ei kjekk seminarhelg på Hystad skule 17.-18. februar 2012. Øvingshelga vart avslutta med konsert for slekt og vener.

Heim med tre pokalar frå Sotra

Fitjar skulekorps kom heim med heile tre pokalar frå korpskonkurransen Sotrafestivalen 2017, som gjekk av stabelen laurdag 18. november.

Vann på Sotra

Fitjar skulekorps kom på 1. plass i 2.divisjon under korpskonkurransen Sotrafestivalen laurdag 18. november, med god margin ned til 2. plass. I tillegg gjekk solistprisen i 2. divisjon til tubaist Kristian Prestbø. Kornettist Sebastian Lie Koppang deltok for første gong i solistkonkurransen under Sotrafestivalen og kom på ein god 2. plass i klassen 9-11 år. HURRA FOR ALLE TRE POKALANE !

Høyr Fitjar skulekorps

framføra Jekyll and Hyde under NM for skulekorps 2018 i Bergen.

Foreldremøte

I etterkant av årsmøtet 18.02.19 vart det gjennomført eit foreldremøte for dei som har musikantar i Fitjar skulekorps. Møtet handla om jubileumstur, strategiplan, personvern, orden og åtferd, motivasjon og NM-turen 2019. Det vart skreve referat frå møtet, så alle kan sjå kva det vart informert om og kva som vart bestemt.

Stor suksess

Fitjar skulekorps og Fitjar musikklag sine Abba-konsertar samla to fulle hos og var ein stor suksess.

Tradisjon tru skapte skulekorpset adventsstemning

i sentrum med svingande juletonar 1. søndag i advent. Surt ver med regn og kraftige vindkast stoppa ikkje korpset, og dei gjennomførde dagen med nissehuer og stil. Neste oppdrag for korpset no er julekonsert i Fitjar kyrkje søndag 10. desember.

Overstått Halloween og klare for årsfest

Skulekorpset hadde ei kjekk og skummel Halloween-øving måndag 29. oktober, med mange skumle, skremande, søte, morsomme og kreativt utkledde musikantar, øving på eit skremande bra Sotraprogrammet og særs god og skummel pausemat. No er november her, Sotrafestivalen nermar seg og helga 9.-11. november er det øvingshelg og årsfest.

Skapte julestemning i kyrkja

Fitjar skulekorps deltok på den tradisjonelle julekonserten i Fitjar kyrkje søndag 10. desember. Korpset skapte julestemning med Jul, jul, strålandes jul, The Snowman, Home for Christmas og Mary did you know. Fleire av musikantane i korpset var solistar både på song og instrument. Ole R. Rørvik imponerte som songsolist på den kjende Mena-songen Home for Christmas.

Kjekk og vellukka loppemarknad

Fitjar skulekorps sin loppemarknad laurdag 20. oktober var ein stor suksess. Det kom store mengder besøkjande frå fjern og nær, kultursalen var full av "skattar" og det var godt sal både i kafeen og på marknaden. Skulekorpset ynskjer å retta ei stor takk til alle som bidrog til suksessen på ulike vis!

Million-vinnar

Heimseida til korpset har no passert 1 000 000 treff og den heldige vinnaren av millionkonkurransen var ein flittig heimesidebrukar...

G O D J U L ! ! !

Fitjar skulekorps har no teke juleferie og vil ynskja alle GOD JUL! Heilt fri frå speling er det likevel ikkje. På julafta skal dei musikantane som er på Fitjar spela under den første gudstenesta i Fitjar kyrkje. Musikantane skal møta kl. 14.00 i julekle og med instrument og notar. Gudstenesta tek til kl. 14.30. Første øving etter jul vert gruppeøvingar torsdag 4. januar, og så vert det oppstartsseminar 5.-7. januar.

Strålande ver og strålande speling

på Fitjar på 17. mai 2018.

Tre frå Fitjar i solistkonkurransen Sartor Open

Både Sarah L. Koppang, Sebastian L. Koppang og Kristian Prestbø frå Fitjar skulekorps gjorde seg bemerka med ein flott 4., 3. og 1. plass under solistkonkurransen Sartor Open.

Bilete frå 17. mai 2018

Sotrafestivalen 2018

Skulekorpset hadde ein kjekk årsfest laurdag 10. november, og er no øyeblikk klare for korpskonkurransen Sotrafestivalen, som går av stabelen laurdag 17. november 2018.

Fitjar tok Sotra med storm

- i bilder...

Vart lagt merke til

Fitjar skulekorps si deltaking i Sotrafestivalen 2018 vart lagt godt merke til!

Prisdryss over Fitjar skulekorps på Sotra

Fitjar skulekorps kunne jubla over 1. plass i 2. divisjon og heile 7 pokalar under Sotrafestivalen 2018.

I LOVE KORPS

Har du lyst på ei stilig hua og likar å følgja med på Fitjar skulekorps kan du verta den heldige vinnaren av denne flotte I love korps-hua, som er designa og strikka av Fitjar skulekorps.

Flott avslutting på sommarkonserten

Fitjar skulekorps avslutta kulturskulen sin sommarkonsert torsdag 14. juni med urframføring av NM-nummeret sitt "Jekyll and Hyde".

Vaffelkonsert

Skulekorpset deltok på musikklaget sin vaffelkonsert søndag 24. juni og fekk både vist kor dyktige aspirantar dei har og at dei er klare for NM.

NM 2018

Fitjar skulekorps deltok i NM for skulekorps under landsfestivalen i Bergen i slutten av juni. Skulekorpset stilte i 2. divisjon brass med stykket "Jekkyl and Hyde" av Richard Rock. Korpset levert ein strålande flott konkurranse-konsert i Grieghallen og hausta ståande applaus og mange lovord. Fitjar skulekorps var flotte ambassadørar for heimbygda og vart nok ein gong lagt merke til på grunn av sitt høge musikalske nivå. Korpset fekk 82 poeng for framføringa si og enda på ein 12. plass. Saman med 260 korps frå heile landet var Fitjar skulekorps med på å markera musikkkorpsenes år i Bergen. I tillegg til å sjølv setta sitt preg på festivalen fekk musikantane med seg mange ulike musikk-arrangement og fekk høyra mykje flott og variert korpsmusikk frå alle kantar av verda.

Juletonar

Fitjar skulekorps har fylt bygda med juletonar frå første søndag i advent og fortset med det ut desember.

GOD JUL !

Fitjar skulekorps ynskjer alle ei riktig GOD JUL! og minner om at dei stiller med julemusikk i samband med den første gudstenesta i Fitjar kyrkje på julafta, frå klokka 14.00. Så tar korpset juleferie fram til måndag 7. janaur.

Korpset på Smedaholmen

Laurdag 1. september til søndag 2. september var skulekorpset på tur til Smedaholmen i Fitjarøyane. Turen var ein del av markeringa av musikkorpsenes år. På Smedaholmen var det grilling, ulike aktivitetar og overnatting i lavvoar. Søndag føremiddag inviterte kyrkja, i samarbeid med skulekorpset, til friluftsgudsteneste, der korpset bidrog med fleire både preludium og postludium samt akkompagnement til allsongen.

I love korps-huer

Ver med og feir musikkorpsa sitt år med strikkahuer og panneband !

Kjekk årsfest

Skulekorpset hadde ein kjekk årsfest der dei feira seg sjølv laurdag 10. november 2017. Ein fest prega av god musikk, humoristiske innslag og eit bugnande kakebord.